Kabanata 846

"Gusto mong paniwalaan kita at ang bawat isang salitang sinabi mo, pero nakalimutan mo na ba, Eveline? Ikaw ang nagsabi sa'kin na ang batang nasa sinapupunan mo ay kay Felipe!" “...” Walang masabi si Madeline. Pero pagkatapos ay narinig niya si Jeremy na nagsalita, "Hindi dapat mabuhay ang batang yan sa sinapupunan mo." Pak! Sinampal muli ni Madeline si Jeremy. Dalawang bodyguard ang napadaan habang naninigarilyo sila. Nang marinig nila ang ingay ay naglakad sila papunta sa basement. "May mga ingay mula roon sa baba." "Wala akong narinig." "Tignan ko." "Sasama ako." Naglakad papunta sa pintuan ng basement ang dalawang bodyguard. Pagkatapos nilang mabuksan ang pinto ay pinindot nila ang switch ng ilaw sa kanilang tabi. Ngunit walang kahit na ano sa loob ng kwartong iyon. Wala man lang silang nakitang kahit na isang daga, mas lalo na tao. "Sabi ko sa'yo nagkamali ka lang ng dinig. Dalian mo at ubusin mo na ang sigarilyo mo para makabalik na tayo. Lagot tayo kapag n