Kabanata 875

Tinignan ni Madeline ang bag na itinapon sa isang tabi. Hindi gaanong malaki ang bag, pero sapat ang laki nito para magkasya ang isang apat na taong gulang bata. Lalo na sa kawalan ng puso ni Meredith, hindi na magugulat si Madeline kung nagawa niya ang ganoong bagay. Tumulala si Madeline sa bag nang ilang segundo bago mabilis na lumapit roon. Pinanood ni Meredith si Madeline na buksan ang bag at naglakad nang nakatingkayad sa likuran ni Madeline. Habang tinaas niya ang pala na kanyang hawak, mabangis ang mga mata ni Meredith. 'Mabulok ka sa impyerno, Eveline! 'Sa pagitan nating dalawa, isa lang ang pwedeng mabuhay!' Papatamaan niya ng pala ang likod ng ulo Madeline at inihampas ito gamit ng buo niyang lakas. Magagawa na sana ito ni Meredith nang biglang lumingon si Madeline at iniwasan ang kanyang atake at hinawakan ang kanyang braso. "Sa tingin mo ba hindi ko alam na ako ang taong pinakagusto mong mamatay, Meredith? Sa tingin mo ba magiging pabaya ako kagaya ng dati?