Kabanata 335

Nilinis ng nurse ang sugat ni Song Anyi, binalot ito ng gasa, at sinabi sa kanya na ‘wag itong basain. Pinasalamatan niya ang nurse at tumayo siya para umalis ng nurse’s station. Sa mahabang corridor, mabagal siyang naglalakad patungo sa ward ni Tang Ruochu. Habang iniisip niya ang tao na nasa kwarto, nawalan siya ng gana na bumalik dito. Gayunpaman, ayaw niyang umalis ng basta basta, dahil baka maghinala si Chuchu. Nung malapit na siya sa ward, may taong nagbukas ng pinto at lumabas. Ito ay si Shen Mofei. Napatigil si Song Anyi at tumalikod. “Anyi.” tinawag ang pangalan niya. Napahinto siya at humigpit ang kanyang mga kamao para pigilan ang emosyon sa kanyang puso. Pagkatapos, tumingin siya ng malamig kay Shen Mofei at sinabing, “Ano po ang problema, Mr. Shen?” Hindi sumagot si Shen Mofei. Sa halip, lumapit lang siya. Tumingin siya sa sugat na nakabalot sa kamay ni Song Anyi at kumirot ang puso niya. “Bakit hindi ka nag iingat?” tinanong niya ng mahina. Maamo ang tono niya