Kabanata 504

Sa pagtataka, yumuko ako at nagtanong, “Ano yun?” Kinagat ni Penelope ang labi niya na para bang pinag-iisapan niya kung anong sasabihin niya sa'kin. Pagkatapos ng matagal na pananahimik, nagtapat siya, “May nang-aapi kay Willow sa klase namin. Sinubukan ko silang pigilan at sabihing masama ang pang-aapi ng iba, pero hindi sila nakinig sa'kin.” Nakatitig lang siya sa paanan niya nang mukhang hiyang-hiya. Mukha siyang dismayado na hindi niya naipagtanggol si Willow. Nang marinig ito, yumuko ako at hinawakan ang kamay ni Penelope. “Ang tapang mo, Penelope. Nagsalita ka nang nakita mong may gumagawa nang mali.” Tumingin siya sa'kin nang hindi makapaniwala. “Hindi ka ba galit na hindi ko naprotektahan si Willow?” Tumawa ako. “Bata ka pa, Penelope.” Tinabingi niya ang ulo niya nang para bang nagtaka siya sa sinabi ko. Nagpaliwanag ako, “Normal lang para sa'yong mawalan ng pag-asa sa harapan ng mahirap na sitwasyong kagaya nito, pero salamat at sinabi mo sa'kin. Kung hindi mo sinabi s