Kabanata 397 Lantarang Pang-aakit

Nahiya nang bahagya si Nell. Pwede niya bang sabihin na bibilhin niya ito para sa kanyang koleksyon? Walang emosyon na tumugon si Gideon, “Hindi iyan isang bagay na dapat mong alalahanin, Miss.” Nasamid si Joanne Nolan. Hindi niya inakalang bakal ang puso ng lalaking ito at ayaw nitong bumigay para sa kanya. Sa halip, si Nell ang nahihiya sa asal ng kanyang asawa. Magsasalita na sana siya pero bumuntong hininga si Joanne saka sinabing, “Sir, sa totoo lang, regalo ko sana ang jade hairpin na ito para sa kapatid ko. Ilang taon na siyang may sakit. Narinig kong nakakabuti ang jade para sa kalusugan. Nakita ng kapatid ko ang larawan ng hairpin at gustong-gusto niya ito, umaasa akong pagbibigyan mo kami.” Nang makitang emosyonal ito, hindi mapigilang matinag ang puso ni Nell. Hairpin lang naman ito, at saka bibilhin lang naman ito ni Nell para sa kanyang kasiyahan. Subalit, malala ang sakit ng kapatid ni Joanne. Gustong-gustong niya ang hairpin pero hindi niya ito makuha! Nang mai