Kabanata 247

Ngunit kahit sa sitwasyong ito, nanatiling nakatingin si Dennis kay O'Neal, ang Amerikanong kalaban. "Ah!" Muling tumayo si Dennis at nagngingit ang kanyang mga ngipin. Nabasag ang buto sa isa niyang binti at nanginginig ito. "Haha, katapusan mo na. Basag ang ilan sa mga buto mo. Ano na? Hindi ka pa rin aamin ng pagkatalo?" Tumawa si O'Neal habang nakatingin kay Dennis. "Nakakamangha ka rin para makatayo nang may matinding mga sugat. Wala sa ganitong lebel ang sampu na nauna sayo. Umamin sila ng pagkatalo habang nakahiga sa lapag!" Pagkasabi niya nito, huminto saglit si O'Neal bago nagpatuloy, "Yun nga lang, di ko pinakinggan ang pag-amin nila ng pagkatalo at pagmamakaawa nila dahil nangako ako na basta't nakatayo ako, papatayin ko ang lahat ng lalaban sa'kin!" "Put*ngina mo!" "Hayop!" Nagalit ang maraming tao. "Anong problema? Hindi niyo matanggap? Pirmahan niyo ang consent form at labanan niyo ko sa arena! Tutuparin ko ang hiling niyo!" Aroganteng binuka ni O'Neal