Kabanata 707

Kinuha ni Otis ang ebidensya mula sa mga tao niya at tinignan ito nang nakangisi. Maraming taon ang nakaraan, nagpabaya siya at malaki ang nawala sa kanya nang dahil kay Annalise, pero hindi ngayon. Natuto na siya—hindi na gagana ang parehong taktika sa kanya. Sa isang pitik ng kamay niya, initsa niya ang ebidensya sa passenger seat at hindi ito masyadong tinignan. Pagkatapos pala ng lahat ng mga taong iyon, hindi pa rin nagbabago si Annalise. Nahulog siya sa simpleng taktika ni Otis. At nag-alala pa naman siyang baka mas naging malakas siya at mahirap kalabanin. Hinigpitan ni Otis ang hawak niya sa manibela. Noon, nagtulungan sina Annalise at Portia para ipatapon siya sa kulungan. Pero ngayon, nakalaya na siya at may magandang buhay. Sa tingin ba talaga nila mabubuhay pa sila nang komportable? Kalokohan. Pumarada si Otis sa hotel parking garage at tinawagan ang isang kaibigan. “Pwede mo ba akong tulungan? Ayos lang kung hindi. Kaya kong labanan si Annalise nang mag-i