Kabanata 84

Kung makakatawag lang sana ng maraming tagahanga ang comic na'to. Maraming maiinggit kay Willow kapag dinala niya ang merchandise kahit saan. Maraming bata ang hahanapin siya at kakausapin siya. Baka gumanda ang kondisyon niya roon. Nilapitan ako ni Zane at nagsabing, “Kapag napansin ang comic na yan at sumikat, mapagkakakitaan natin ang pagtitinda ng merchandise nito.” Tinitigan ko siya nang nanlalaki ang mga mata. Siguro ang tagal na simula nang huli akong nagkatrabaho. Ang inisip ko lang ay matutulungan ng merchandise si Willow na gumawa ng bagong kaibigan at gumanda ang kondisyon niya, pero nakakita si Zane ng oportunidad. Aaminin ko, isa siyang talentadong negosyanteng may matalas na mata sa susunod na malaking proyekto. Ngumiti ako at nagsabing, “Oo nga.” Hinawakan niya ako sa mga balikat at pinaupo ako sa sofa. Tumitig ang mga mata niya sa'kin habang sinabi niyang, “Sa tingin ko mayroon na akong ideya sa bagong negosyong gusto kong itayo. Sandali lang.” Pagkatapos nito