Kabanata 228 Para Lang Kay Nell

Sa lahat ng taong ito, hindi tumigil si Celine sa paglaban at pagkuha ng mga bagay sa ibang tao. Kapalit nito, hindi niya itinuon ang kanyang atensyon sa mga bagay na talagang gusto ng kanyang puso. Ngayon, malinaw na ang kanyang mata. Napagtanto niyang pagmamahal lamang ni Jay ang ninanais niya. Mahigpit na hinawakan ni Celine ang kanyang pitaka, halos mamutla na nga ang kanyang kamay sa higpit at nagsimula na rin siyang manginig dahil sa pagiging emosyonal. Habang nakangiti, nilapitan siya ni Jason. Mukha itong masaya at sa ilalim ng liwanag, para itong isang prince charming. Papalapit na ito sa bawat hakbang, at naaamoy na rin ni Celine ang pamilyar nitong pabango. Siya ang pumili nito at lagi itong ginagamit ni Jason dahil gusto ito ni Celine. Lockheart ang pangalan ng pabango. Gaya ng nararamdaman ni Celine, gusto niyang ikandado ang puso ng lalaki para walang kahit sino ang makaagaw nito sa kanya. Sa pagkakataong iyon, tila ba naglalaho ang karimlan sa buhay ni Celine, hin