Kabanata 464 Pagpanaw ng Old Master

Tumango si Nell at napunta ang kanyang tingin sa ward. “Kumusta si lolo?” Naging malungkot agad ang ekspresyon ni Joseph nang marinig ito. Bumuntong hininga siya. “Kakaunti na lamang ang oras niya. Pumasok ka sa loob. Alalahanin mong maiksi lang ang dapat mong sabihin.” Tumango si Nell. Naglakad siya papunta sa ward habang naiwan namang nasa labas sina Gideon, Liam at ang iba pa. Alam nilang gustong makita ng old master si Nell nang mag-isa. Mas mabuting hindi na sila sumama. Bago pumasok, pinagsuot muna si Nell ng isang protective suit. Nakapikit ang mga mata ng Old Master Garrett na para bang naghihintay na lamang ng kamatayan. Siguro dahil sa mga narinig niyang yapak, kaya sinubukan niyang sumilip at lingunin ang taong paparating kahit hirap na hirap siyang kumilos. Napatigil si Nell doon. Sinabihan niya ang kanyang sarili na maging matatag pero agad siyang naluha nang makita ang nakahigang matanda. “Nel-Nelly.” Inabot ng matanda ang kanyang kamay. Tinikom ni Nell ang k