Kabanata 1247

Pagkatapos niyang makitang umalis ang dalawang mga imahe, maingat na sinuri ni Luna ang token na kaniyang hawak. Binalibaliktad niya ito bago niya ito paglaruan nang paulit ulit. Pagkatapos ng isang sandali, ipinatawag niya ang deputy master ng Shrouded Gate na si Marcellus. “Master!” Buong galang na yuko ni Marcellus. Tinitigan siya ni Luna bago ito magtanong ng, “Naging kasing ganda ba ng kaniyang reputasyon ang Adeptus Cirrus ng Fleming Manor na nabanggit mo noon? Magagawa ba niya talagang gamutin ang mga tinamo kong pinsala sa katawan?” “Opo!” Confidente na sagot ni Marcellus, “Huwag po kayong magalala, Master. Isa pong maladiyos na nilalang si Adeptus Cirrus sa larangan ng medisina. Wala pong sakit ang hindi niya kayang gamutin hangga’t magagawa nitong kumilos. Walang sinuman sa mundong ito ang makakagamot sa sakit na hindi niya magagawang magamot.” Dito na biglang naalala ni Marcellus ang isang bagay kaya agad itong nagtanong ng, “Master, pinaplano niyo po bang magpunta sa F