Kabanata 788

Lumaki ang pag-asa sa loob ni Selena nang marinig niya ang opinyon ni Fane kay Lana. Mukhang maganda ang impresyon ni Fane kay Lana. Kung ganoon, posible kaya silang magsama? O hindi kaya matagal na silang may hindi malinaw na relasyon na higit pa sa pagkakaibigan? Kahit na papaano, hindi tinanggihan ni Fane si Lana kagaya ng ginawa niya kay Sharon George. "Tingin mo talaga isa siyang mabuting babae? Ganun rin ang nasa isip ko!" Yumuko si Selena habang kinumpirma niya ito. Pagkatapos ay nagpatuloy siya nang may mahinang boses, "Kung… Kung mataas ang tingin ninyong dalawa sa isa't-isa, sa… sa tingin ko, mahal, pwede mo siyang gawing pangalawang asawa. Tatanggapin ko yun!" Parang naging kasing laki ng pinggan ang mga mata ni Fane at bumagsak ang panga niya nang marinig niya ang sinabi ni Selena. "Huh? Anong problema, honey? Anong kalokohan ang sinasabi mo? Mabuting babae nga ang tingin ko sa kanya pero hindi sa ganoong paraan! Hindi sa romantikong paraan!" "Pero anong mali