Kabanata 760

Gustong-gustong kagatin ni Suzaku si Alex hanggang sa mamatay ito, pero alam niyang nawasak na ang kanyang martial arts. Kahit pa nga hindi nawasak ang kanyang martial arts, hinding-hindi niya magagawang hawakan ang g*gong ito. “Oh nga pala, ipaghanda mo ako ng hapunan at ilagay mo sa hapag kainan. Gusto kong kumain pagkatapos maligo.” paalala ni Alex. “Kapag hindi masarap yung luto, laging nandito yung tableta ko para pumasok sa lalamunan mo. Huwag ka ring magtatangkang tumakas, may nakatagong tracker sa markang isinelyo ko sa’yo. Kahit na tumakas ka pa papunta sa dulo ng mundo, mahahanap pa rin kita.” Pagkatapos, bumalik na siya sa kwarto niya, naghahanda para maligo. Nanginginig sa galit si Suzaku. Masakit ang buong katawan niya, lalo na ang likod niya. Parang nasusunog. Sumasakit na rin ang mga pisngi niya, hindi niya maiwasang mapa-aray sa tuwing sinusubukan niyang hawakan ang mukha niya. Nagmamadali siyang pumunta sa banyo sa unang palapag, tinitigan ang kanyang repleksyon sa sal