Kabanata 917

Laki sa layaw si Bethany. Karaniwan, palagi siyang sisigaw kahit magalusan lang ang kanyang daliri, at aabot pa sa puntong magpapatawag siya ng ambulansya. Paano niya matitiis ang sakit ng pagkadurog ng buong braso niya? Agad siyang nawalan ng malay. Nang muli siyang magising, nagpalabas siya ng mga sigaw, para siyang hayop na kinakatay. Naririnig siya ng mga tao sa buong Global Traders Hotel. Dug! Bumagsak si Bethany at naglupasay sa sahig, pagulong-gulong. Gayunpaman, nang dumampi sa sahig ang nabali niyang braso habang gumugulong, sumigaw siya na parang baliw. “Ahhhh! Nabali ang braso ko, nabali ang braso ko! G*gong ‘to, gusto ko siyang patayin!” Tinitigan siya ni Matthew sa sobrang galit na halos lumuwa na ang mga mata niya. Hindi niya akalaing ganoon kawalang humpay si Alex. Nang dumating si Azure sa eksena, naglakas-loob pa rin itong gumawa ng ganoong kalupit na bagay. Hindi ba natatakot ang taong ‘to na ilulunod ang buong pamilya niya? Nasa malapit lang si Azure, kaya mabilis siyang nakarating. Nagdala rin siya ng dalawampu o higit pang mandirigma galing sa Thousand Miles. Matapos marinig ang kakila-kilabot na sigaw ni Bethany, agad na binilisan ni Azure ang kanyang lakad at nagmamadaling lumapit sa kanila. “Magsitigil kayo!” “Anong nangyayari dito?” Nakatalikod si Alex kay Azure noong mga oras na iyon. Samantala, nabigla si Azure sa unang tingin niya sa kakaibang braso ni Bethany. Malamya ang braso nito na para bang puting ahas na walang buto. Masyadong kakaiba kahit saang anggulo niya ito tingnan. Kaya naman, hindi niya napansin na ang taong gumawa nito ay si Alex. Agad na tinuro ni Matthew si Alex at sinabing, “Bro Azure, yung mokong na iyan ang may kagagawan nito! Nakita niya nang paparating ka, pero naglakas-loob pa rin siyang gumawa ng ganoong masamang gawain! Ganap na labag sa batas!” “Ganap na labag sa batas?” Bahagyang tumawa si Alex at tumalikod. “Sino kayang nagsabi na siya ang batas? Sinong nagsabi na walang tama o mali, kundi kakampi o kalaban lang?” Nang marinig ang boses na iyon, kinilabutan si Azure. Nang makita niyang lumingon si Alex para humarap sa kanya, naramdaman pa ni Azure na parang namamanhid ang anit niya. Talagang ginalit ng g*gong ito si Mr. Rockfeller. Sinabihan pa siya nito na baliin ang lahat ng paa’t kamay ni Mr. Rockefeller. Biro ba ito? Noon, hindi gaanong iginagalang at hinahangaan ni Azure si Alex. Gayunpaman, binigyan siya ni Alex ng bote ng mga blood energy pill ilang araw na ang nakalilipas. Ngayon, nakamit na niya ang Beginner-Mystic na ranggo sa pamamagitan ng mga tabletas na iyon. Dahil dito ay lubos niyang napagtanto kung gaano kalakas si Alex. Sinong makakagawa ng gayong tableta? At, nakatanggap pa siya ng napakalaking pabor. Kaya naman, palihim niyang sinumpa sa sarili niya na buong buhay siyang magiging tapat kay Alex. Gayunpaman, bakit nga ulit siya nandito ngayon? Hindi napansin ni Matthew ang pagbabago sa ekspresyon ni Azure. Iniisip niya pa rin kung paano niya pahihirapan si Alex matapos supilin ito, para lang makapaglabas siya ng galit para sa asawa. Sabi niya, “Bro Azure, patumbahin mo na siya ngayon! Hindi mo kailangang maging mabait sa mga g*gong tulad niya! Pagkatapos nito, maaari kang pumasok at uminom. Gaganapin sa aking hotel ngayon ang Triangle River Delta Medical Exchange, maraming makapangyarihang tao ang nasa paligid. Ipapakilala ko sa’yo ang ilan sa kanila mamaya.’ Nagkatitigan sina Alex at Azure sa loob ng dalawang segundo. Habang nagkakatinginan sila, pakiramdam ni Azure ay mababaliw na siya. Agad siyang umiwas ng tingin at hindi na naglakas-loob na titigan pa si Alex. Malakas niyang sinipa si Matthew sa tiyan. “Ipakilala mo sa puwet ko!” Napakalaki ng tiyan ng taong napakataba na si Matthew, parang bola. Agad siyang tummilapon paatras, malakas na bumabangga sa puting Maserati. Nagulat si Matthew. Si Bethany, na nakahandusay sa sahig, ay nabigla rin. Sa sumunod na segundo, lumuhod si Azure sa harap ni Alex kasabay ng kaluskos. “Parusahan mo kami, Mr. Rockefeller.” Lahat ng dalawampu o higit pang mandirigma na dinala ni Azure ay lumuhod din. “Parusahan mo kami, Mr. Rockefeller!” Nakita na nilang lahat si Alex dati. Alam nila kung anong klaseng tao siya. Ano! Sa eksena, lumaylay ang panga ng lahat. Hindi makapaniwala ang mga mata nina Matthew at Bethany. ‘Si Azure ba talaga ito mula sa Thousand Miles? Kung gayon, anong klaseng eksistensyang meron ang lalaking ito?’ Nagliwanag ang napakarilag na mga mata ni Cheryl, na parang sinag ng liwanag sa loob ng madilim na kagubatan. Samantala, tila nauusisa ang mga mata ni Phoebe, na parang naliligaw sa pag-iisip. “Dapat ka talagang parusahan!” Sinabi ni Alex kay Azure, “Dahil hindi ka marunong manghusga ng mga tao! Paano mo nagawang makipag-kapatiran sa ganyang basura? Alam mo bang nagsasama-sama ang mga taong may katulad na interes? Paano ka magiging mabuting tao ngayong kasamahan mo iyan?”