Kabanata 945

Ngumiti ng maliit si Wilbur makalipas ang mahabang sandali. Nagbuhos siya ng isang tasa ng tsaa para sa sarili niya. “Kailan pa?” Bumaba ng tingin si Getridge at sinabi niya, “Bago pa po ako tumuloy sa Sealake Island. Plano po nila na maging espiya ako upang bigyan ko po sila ng impormasyon. Sinabi po nila na hindi nila ako aatakihin kapalit nito.” “Pumayag ka ba?” “Opo. Alam niyo naman po na ang mga assassin ay hindi pumapayag sa pagtataksil. Ang sinumang taskil ay hahanapin at papatayin. Wala po akong nagawa kundi ang pumayag.” “So bakit mo ito sinasabi sa akin ngayon?” Nag dekwatro ng upo si Wilbur at tumingin siya kay Getridge. Tumawa ng peke si Getridge at sumagot siya, “Sa totoo lang po, mas mataas ang chansa na manalo kayo, kaya umamin po ako.” Tahimik ng ilang sandali si Wilbur. “Sinabi ba nila sayo ng klaro na balak nila akong patayin?” “Hindi po, pero patuloy po sila sa pagtatanong tungkol sa inyo. Madalas din po ito. Pakiramdam ko po na malapit na po silang kumilos,