Kabanata 1096

AB. Pakiramdam ni Madeline ay dumidilim ang kanyang paningin. Noong una pa lang, naghihinala na siya kung kay Jeremy ba yung dugo na nasa tissue, ngunit noong malaman niya na A ang blood type nito, napanatag ang kanyang loob. Subalit, hindi niya inasahan na pati ang blood type nito ay magbabago pagkatapos ng mutation ng genes ng isang tao. AB ang blood type ni Jeremy. Hindi mapakali si Madeline. Pakiramdam niya ay may paulit-ulit na sumasaksak sa puso niya. "Ms. Montgomery, saan mo ba nakuha ang blood sample na 'to? Ayon sa mga pagsusuri namin, kapag hindi agad nagamot ang taong ito, mamamatay siya kapag umabot na sa stage five ang lason sa katawan niya." Parang kutsilyo na tumarak sa puso ni Madeline ang salitang 'mamamatay'. Wala siyang mga sugat, ngunit nakaramdam siya ng matinding sakit na kumalat sa buong katawan niya. Kahit na hinala pa lang niya ito, sinasabi ng sakit sa kanyang katawan na tama ang hinala niya. Pagkaalis niya sa lab, nagsimulang lumipad ang is