Kabanata 289

Nang matapos silang kumain, si Lu Shengyao at Ying Xiaoxiao ay pinaalis na sa bahay bago pa sila gumawa ng ibang bagay. “Pagkatapos kumain, oras na para sa inyong dalawa na umalis.” nagsalita si Lu Shijin ng may tono na walang emosyon. Dahil kumain na sila ng masarap na pagkain at dahil nakabalik na ng mapayapa si Chu, wala na silang rason para manatili at abalahin ang oras nila bilang magkasintahan. Kaya naman, masunurin na sumagot si Ying Xiaoxiao, “Sige na, sige na, aalis na ako.” Habang nagsasalita siya, kumaway siya kay Tang Ruochu. Pagkakuha niya ng kanyang bag, umalis na siya ng hindi lumilingon. “Shijin…” nang makita niya na pinapaalis ang mabuting kaibigan niya, tumitig ng malungkot si Tang Ruochu kay Lu Shijin. Gayunpaman, hindi apektado si Lu Shijin. Tumitig siya ng malamig kay Lu Shengyao, na siyang nananatili pa rin. “Ikaw naman?” “Gusto ko munang magpahinga. Busog pa ako. Burp!” dumighay ng malakas si Lu Shengyao, hindi niya pinansin ang titig ng kanyang kapatid.