Kabanata 307

Nagambala ang sunod na plano ni Su Tian’ai dahil sa nakuhanang bidyo. Ang mas nag palala ng sitwasyon ay... Nagbalik na si Shen Mofei. Pagdating na pagdating niya, nagpatawag agad siya ng isang press conference. Ang pagiging matatag ni Shen Mofei ang naging sanhi upang mawalan ng kapangyarihan si Su Tian’ai na labanan siya. “Bilang CEO ng Times Entertainment News, humihingi ako ng paumanhin para sa epekto ng pangyayaring ito.” Nang pumunta sa entablado si Shen Mofei, ang una niyang ginawa ay humingi ng tawad. Tapos, bigla niyang iniba ang usapan. “Si Tang Ruochu ay isa sa pinakamahusay naming reporter. Ngayon na dumanas siya ng ganoong pag-atake, gagamitin namin ang batas para mapatunayan ang pagiging inosente niya. Kasabay nito, magkakaroon din ang kumpanya ng mga taong nangongolekta ng datos ng mga naninira kay Tang Ruochu online. Hindi namin tinatanggal ang posibilidad na kasuhan sila.” Sa sandali na nabanggit ang mga salitang ‘yon, may kaguluhan sa eksena. Nagkatinginan ang mg