Kabanata 593

“Dahil hindi ko matiis na makita ka na mag isa.” Nabigla si Ying Xiaoxiao sa mga sinabi ni Chu Yuan. Tumitig lang siya sa gwapong mukha nito. Nakangiti siya ng malambing at ang mga mata niya ay kasing banayad ng isang jade. Matapos ang mahabang sandali, pumikit si Ying Xiaoxiao at tumawa, “Chu Yuan, kapag sinabi mo ‘yan, baka mali ang isipin ko at baka akalain ko na may gusto ka sa akin.” “Hindi ba’t maganda ang maling pag iisip na ‘to?” ngumiti si Chu Yuan. May maliit na liwanag sa mga mata niya na kulay amber. “Maganda nga talaga.” kinagat ni Ying Xiaoxiao ang mga labi niya. “Pero, may ibang tao akong gusto.” May hindi mawaring liwanag sa mga mata ni Chu Yuan. Nagpatuloy siya sa pagngiti at sinabi, “Ayos lang. May gusto ako sayo, at sapat na ‘yun.” Tumaas ang mga kilay ni Ying Xiaoxiao at sumandal siya. Tumingin siya habang sinusuri si Chu Yuan. “Chu Yuan, nakikipag biruan ka ba sa akin o seryoso ka?” Hindi sumagot si Chu Yuan, sa halip ay tinanong niya, “Ano sa tingin mo?”