Kabanata 1005 Pagguho Ng Pananampalataya

Malinaw kay Shimon ang bahaging ginaganapan niya rito. Sa pamilya, isa lamang siyang mababang uri ng tao. Parehong may kapangyarihan si Jeff Flinders at Louis Flinders na dispatsahin siya kahit kailan nila gusto. Para bang pinipisa lamang nila ang isang langgam gamit ang sarili nilang mga daliri. Iyan ang dahilan kung bakit hindi siya nagsasalita, kahit nalilito siya at wala siyang maunawaan sa sitwasyon. Natatakot siyang mapaslang nila dahil masyado siyang maraming alam. Hindi nama tanga si Shimon Flinders para isiping inosente ang kanilang pamilya. Sapat na nga ang kanyang gulat nang makilala ang lalaking nasa harap niya. Hindi siya makapaniwalang isang libong taon na ito. Kahit may pagdududa pa rin si Shimon sa loob ng kanyang puso, mukhang hindi naman nagbibiro si Jeff nang gawin niya ang mga pakulo niya kanina. Sa madaling salita, alam niyang hindi siya niloloko ni Jeff. Mukhang isang libong taon na nga ang kanyang edad. Kung totoo ito, magiging mas malala ang buong sitwa