Kabanata 441 Itatakwil

Naging mabagsik ang mukha ng lalaki, ganoon pa man, sinubukan niyang sumagot nang kalmado, “Natural lamang para sa mga nasa itaas na kontrolin ang kanilang mga hawak.” “Talaga ba? Kaya ba hindi niya sinabi sa iyo na ipinagkatiwala niya kay Evelyn ang isang malaking gawain gaya ng pagpatay kay Gideon? Mas kwalipikado ka naman para gawin iyon!” Nagbago nang bahagya ang ekspresyon ni Carl. “Itatapon ka lang niya kapag nagamit niya na ang buong pagkatao mo! Binibigyan lang kita ng paaalala na habang nagtatrabaho ka pa sa Tiger’s Den. Sabihin nating nailabas ang mga sikretong ito, dagdag pa ang walang awang pamamaraan ni Scarface at ang mga nakaraan niyong alitan ni Evelyn, sa tingin mo, ano ang mangyayari sa iyo?” “Tama na!” Bayolenteng hinampas ni Carl ang mesa saka tumitig nang masama kay Nell. “Gusto mo kaming sirain sa loob! Sa tingin mo ba tatalikuran ko ang master ko? Napakababaw ng pag-iisip mo!” Hindi nagsalita si Nell, nakatitig lamang siya sa lalaki. Sa loob-loob, alam ni