Kabanata 995 Hindi Ito Sakit

Hindi naman si Gregory ang tipo ng taong sumusunod lagi sa nilalaman ng isang libro. Binigyan man sila ni Jeff ng isang daan, pero hindi ibig sabihin na ito lang ang rutang pwedeng nilang tahakin. Naisip niya na ring pakiusapan si Sean na gamutin si Vickie. Subalit, mahusay rin naman ang doktor na kinuha niya para kay Vickie. Dagdag pa roon, kakaiba ang ugali ni Sean at lagi itong nagmumukmok sa disyerto. Narinig lamang ni Gregory ang tungkol sa reputasyon ni Sean pero hindi niya pa ito nakikita sa personal, lalo naman ang magkaroon ng oportunidad na makausap ito. Dahil mahirap siyang hanapin, mas lalong mahirap humingi ng tulong sa kanya. Ganoon pa man, ibang kuwento na ngayong stepfather pala ni Nell si Sean. Kaya, habang pinanghahawakan niya ito, nagkaroon siya ng pag-asa. Subalit, nakakahiya namang banggitin ang bagay na ito sa unang pagkikita nila. Inisip muna ni Gregory na kausapin si Nell pagkauwi nila para humingi ng pabor kay Sean. Hindi niya naman inakalang makakatangga