Kabanata 2572

“Kaya.” Tumigil si Thomas sa paglalakad at tumingin siya sa mukha ni Wendy na parang wala siyang pakialam. Naging malamig ang tono niya. “Base sa lohika mo, alam na ni Yannie na bibigyan mo siya ng pagkakataon noong tatlong buwan na ang nakalipas, kaya naghihintay siya sa mga panahong ‘yun?” Nagbago ang ekspresyon ni Wendy dahil sa mga sinabi ni Thomas. Kinagat niya ang labi niya. Pagkatapos, naisip niya na kung paano siya sasagot kay Thomas. “Hindi, hindi, hindi! Hindi ‘yun ang ibig kong sabihin! Ang sinasabi ko ay matagal nang plano ni Yannie na pumasok sa entertainment industry. Kahit na hindi dahil sayo o sa akin, balak niya dati pa na pumasok sa industriya.” Tumaas ang mga kilay ni Thomas at ngumiti siya. “Kung tama ang pagkaka alala ko, si Yannie ay assistant ni Luna noong nakaraan. Kung plano niya na pumasok sa entertainment industry, bakit siya naging assistant ng babae ni Joshua Lynch? O sinasabi mo bang…” Yumuko si Thomas at tumitig siya kay Wendy. “Ang babae ni Joshu