Kabanata 1657

Hindi prinsipe o master si Timothy, pero masyadong mabait ang kapatid niya at palagi siyang kinukunsinti. Iyon ang dahilan kung bakit may tapang siya na gamitin ang pangalan ni Benjamin at ipangalandakan ang awtoridad niya kahit saan niya gusto. Gusto pa niyang gawing sa kanya si Yona. Kapag may mga taga-labas na magtatangkang magyabang sa Mordu, hindi maaawa si Timothy sa kanila at dudurugin ang bawat isa sa kanila. Kamakailan lang, ilang mga aroganteng young master mula sa mayayamang pamilya sa Wolsing ang gustong labanan si Timothy para sa isang babae. Ngunit lahat sila ay napahiya at natalo. Sino ba si Timothy? Sino ba ang kailangan niyang katakutan?! Gayon pa man, sinipa siya ng isang probinsyano ay binugbog siya. Nanggagalaiti si Timothy sa galit. Maraming binugbog ang probinsyanong ito nang wala man lang pakialam sa masamang kahihinatnan nito. Hindi lang iyon, arogante niyang dinagdag na pwedeng tawagan ni Timothy ang kahit na sino sa mga sumusuporta sa kanya.