Kabanata 768

Pagkaalis ni Avery, tinawagan ulit ni Elliot ang doktor niya at sinabi. “Okay lang ako, HIndi mo na kailangang pumunta.” Medyo naguluhan ang doktor. “Mr. Foster, nasa byahe na ako. Didiretso nalang ako jan.” Hindi na tumanggi si Elliot. Pagkatapos ng tawag, kinapa niya ang kanyang noo at mainit nga siya. Hindi niya sigurado kung may lagnat na siya kanina bago dumating si Avery. Oo, masama ang pakiramdam niya pero nakakapag trabaho naman siya kanina. Noong nakita niya si Avery, para bang bigla nalang naubos ang lahat ng lakas niya. Humiga siya sa kama at nakatulala lang siya sa kisame. Wala siyang maramdaman…. Hindi niya maintindihan kung bakit kahit anong gawin niya, palagi nalang siyang nabibigo. Gustuhin niya mang kalimutan ang nangyari kanina, hindi maalis-alis sa isip niya ang mukha ni Robert. Kahit na hindi pa siya handang harapin ang bata, hindi niya maikakaila na sobrang gumaan ang pakiramdam niya nang makita ito. Noong oras na dumating ang doktor, nakatulog na si El