Kabanata 1310

"Mga ginoo, pwede bang pakawalan niyo na lang ako para sa kapakanan ng pamilya ko at ng pamilya mo? Malapit ang mga pamilya natin noon. At kakapasok lang natin, hindi niyo ko gustong patayin, tama?" Bumuntong hininga si Nikini sa loob-loob niya, sinisisi niya ang kamalasan niya ngayong araw. Mahirap na ngang makasali sa paligsahan. Nagpunta siya sa paligsahang ito para palakasin ang kanyang sarili at alamin kung nasaang lebel na siya, subalit, hindi niya inasahan na pupuntiryahin siya nang ganito. Higit pa rin, hindi ba masyadong maswerte ang tatlong to? Ang dali nilang makahanap ng isang Woods sa lugar na ito. "Wala akong magagawa, ganda. Malapit 'noon' ang mga pamilya natin. Pero ngayon? Bago kami umalis para sa paligsahan, paulit-ulit na pinaalala sa'min ng master namin na huwag magpalampas ng kahit na sino mula sa Woods family kapag nakasalubong namin sila, lalo na ang mga mag-isang naglalakbay." Suminghal ang isa sa mga lalaki at tinignang maigi si Nikini. "Ganda, ang