Kabanata 1676

"Pero parang hindi to magandang ideya. Nagsikap kayo para makuha ang spirited grass," naiilang na sabi ni Fane habang tinignan niya ang spirited grass sa harapan niya. "Uy, wala namang masama dun. Walang halaga ng spirited grass ang magiging kasing halaga ng martial art technique na ibinahagi mo sa'min. Maliban sa paraan para magsanay para sa ultimate god levels, meron ring mga paraan para magsanay para sa soul-penetrating levels sa martial art technique na binigay mo sa'min. Tiyak na makakarating kami sa Ninth-grade soul-penetrating level gamit nito!" pagpupumilit ng tuwang-tuwang si Alejandro. Lumipat ang tingin niya kay Daniella habang makahulugan siyang nagdagdag, "Maliban roon, hindi na tayo basta magkakampi lang—baka maging magkapamilya tayo sa hinaharap. Bakit natin ituturing ang isa't-isa na parang estranghero? Hindi ba tama ako?" Kaagad na nahiya si Daniella na nakatayo sa tabi. "Tama! Tama si Master Cabello. Kailangan nating tulungan ang isa't-isa, di ba?" Masayang tuma