Kabanata 524

Nagulat si Quin sa mga salita ni Skyler sa loob ng pito hanggang walong segundo. Sa huli, kumibot ang gilid ng kanyang bibig. "Sino ang si––sinabi mong kamukha niya? Ang Supreme Warrior?" "Oo, kamukhang-kamukha niya. Magkahawig ang likod at gilid ng mukha nila. Naalala ko na ganito ang itsura ng Supreme Warrior!" Tinignan ni Skyler si Fane na nakatayo sa hardin sa hindi kalayuan. Hindi nilubayan ng tingin ni Skyler ang anyo ni Fane sa sandaling may napagtanto siya––ang rebelasyon na magkamukha ang dalawang lalaking iyon. "Paanong mangyayari yun? Maraming tao sa mundo ang magkakamukha. Hindi nga ako makapaniwala na siya ang Supreme Warrior. Isa lang siyang ordinaryong sundalo!" Tumawa si Quin at tinapik ang balikat ni Skyler. "Sa tingin ko, nabaliw ka na kakaisip sa Supreme Warrior, pero naiintindihan kita. Gusto ko ring makita ang elegante niyang itsura sa personal!" "Quin Hayes, sabi ng lahat ay medyo mabagal ka raw mag-isip, at ngayon ay ganoon rin ang naiisip ko. Hindi mo ba