Kabanata 942

Nang marinig niya ito, kaagad na bumagsak ang ngiti sa mukha ni Peace. Sa halip ay mukhang nagalit siya. Marami nang nakilalang magagandang babae si Peace noon. Inisip niya na isa siyang eksperto pagdating sa tunay na kagandahan at walang normal na tao ang makakatapat sa mata niya. Ang dalawang model na nahanap niya ngayong araw ay magaganda. Hindi niya inakala na magkokomento si Caleb na wala silang binatbat sa magandang babaeng nahanap niya. Bago makapagsalita si Peace, halatang hindi rin natuwa ang dalawang model. "Young Master Quinton, nagbibiro ka ba?" sabi ng isa sa kanila nang may seryosong mukha. "Kami ang top models ng maraming car showcases. At sinasabi mo na wala kaming binatbat sa babang yun? Sumosobra ka naman!" "Heh. Maganda kayong dalawa, pero wala sa inyo ang isang klase ng kalidad ng isang babae. Isang malumanay na aura, kasabay ng mapagbigay na pakiramdam––na napapatungan ng walang kapantay na kagandahan, yung klase na kaagad kang nahuhumaling kapag nakita