Kabanata 22

“Bakit hindi?” Agad na tanong ni Rose. “Nakipag-away sa magulang ng isang kaklase at hinahayaan ang bata na hindi pumasok sa eskwela… tapos may lakas ka pa ng loob na magtanong?” Halata kay Jay ang panggigigil, ang galit niyang buong araw niyang iniipon sa wakas ay nailalabas na niya. Ang inis ni Rose ay naiipon na rin. Mukhang ang Nancy na iyon ay sinumbong ang kaniyang mga kilos. Napasimangot ang mukha ni Rose. “Ginoong Ares, alam mo ba kung bakit ko hinarap ang magulang na iyon? Bakit ko nilayo si Jenson sa eskwela? Iyon ay dahil--” Malamig siyang pinigilan ni Jay, “Hindi ko na kailangan malaman kung bakit. Ang ginawa mo ay sapat na upang ipakita sa akin kung gaano ka kaisip bata at kung gaano ka katanga!” Agad na sumagot si Rose, “Hinarap ko ang masamang magulang na ‘yon kasi sinaktan niya si Jenson at hinusgahan kung paano mo siya pinalaki. Alam mo ba kung gaano kasama ang epekto no’n kay Jens?” “Ginoong Ares, wala kang karapatan na husgahan ako bago mo pa man imbestigahan kung an