Kabanata 847

Sa totoo lang, nang marinig ni Chloe ang mga salitang ‘Sunshine Co.’, gusto niyang itago ang kanyang mukha dahil sa kahihiyan. Gusto niyang magsalita at sabihin sa kanyang tiyahin na si Alex ang may-ari ng negosyong bibili ng Sunshine Co. Gayunpaman, hindi man lang siya binigyan ni Heather ng pagkakataong magsalita. Sinimulan niyang insultuhin si Alex. “Aling negosyo? May kinalaman ba iyon sa’yo? Maiintindihan mo ba kapag sinabi ko sa’yo? Pakikipag-away, paninigarilyo at paglalaklak lang naman ang alam ninyong masasamang-loob… tama? Wala kayong inatupag kundi makipagkarera at tumambay sa comp shop! Alam ninyo ba kung ano ang acquisition? Hindi pa nga ganoon iyon eh, partnership kasi talaga! “Hindi bale, walang saysay na ipaliwanag sa inyong mga dukha. Mga lumot lang kayo sa balon.” Itinama siya ni Nicholas. “Mali ka. ‘Walang alam tungkol sa dagat ang palaka sa balon’ dapat, gurang.” Napasimangot si Heather. “Lakas ng loob mong itama ako? Naiintindihan mo ba iyang pinagsasabi mo?” Hindi