Kabanata 159

Pagkatapos niyang sabihin iyon, napatingin sa kanya ang lahat sa gulat. Sa sobrang galit ni Meredith ay muntikan na niyang mapunit ang placard. Nananadya ba ang babaeng ito? Sino ba siya sa tingin niya? Paano niya nagawang kalabanin siya? Paano ito hahayaan ni Meredith? Tinaas niyang muli ang placard. Akala ng lahat ay magdadagdag pa ng ilang milyong dolyar si Meredith, ngunit nagdagdag lang siya ng 500,000 dollars. Sa sandaling masabi niya ito, simpleng nagsalita si Madeline, "20 million." "Wow…" Sabi ng lahat. Hindi na ito makayanan ni Meredith. Pinigilan niya ang kanyang galit at tinignan nang masama si Madeline. Pinilit pa niyang ngumiti na parang inosente at mahinhin. "Miss, inupahan ka ba ng ibang tao para pumunta dito at sadyaing taasan ang presyo? Alam ng lahat na bibilhin ng fiancé ko ang shop na 'to para sa'kin bilang birthday present. Hindi kaya nag-eenjoy ka sa pagnanakaw ng mga bagay mula sa iba?" "Pagnanakaw? Hindi ba dun ka magaling, Ms. Crawford?"