Kabanata 753

Sobrang biglaan ang mga kinilos ni Jeremy at walang oras si Madeline para kumibo, pero mabilis niyang naintindihan ang dahilan sa likod ng kanyang kinilos. Gusto niyang isipin ng lalaki na isa silang magnobyo na sobrang mahal ang isa't-isa na hindi mapigilan ang kanilang pagnanasa. Matalino ang lalaki kaya nilapitan pa rin sila nito. Walang magawa si Madeline kundi igilid ang kanyang mukha at hawakan ang balikat ni Jeremy habang hinalikan niya ito pabalik. Kahit na sa gitna ng malamig na araw ng Disyembre, naramdaman ni Madeline na uminit ang kanyang katawan at nawala ang pagkakalmado ng tibok ng kanyang puso. Hindi niya matukoy kung sinasadya iyon ni Jeremy o para sa kanilang pagpapanggap, pero naramdaman niyang nilaliman nito ang halik at pinasok ang isang kamay sa kanyang jacket para hawakan ang kanyang baywang… Tok, tok, tok. Kumatok ang lalaki sa bintana. Huminto ang mga halik ni Jeremy. "Private property to. Kung maglalandian kayo, sa ibang lugar kayo pumunta,"