Kabanata 24

Habang dumadami ang atensyon na nakukuha ng balita, kumilos na sa wakas ang Ji Group. Ang mga comment sa Weibo ay di na lamang tungkol sa pagtatanggol kay Tang Ruochu. Ang ilang anti-fans ay nangibabaw at inakusahan si Tang Ruochu na bumili ng pwesto sa trending chart at ipinakita ang kahinaan niya para kumuha ng awa mula sa mga netizen. Sinabi nila na siya ang may pakana nito at wala siyang tigil sa panloloko niya. Ang sabi ng iba ay nagpapaawa lamang si Tang Ruochu. Halos lahat ng balita ay pinupuntirya si Gu Ruoruo at Ji Yinfeng, pero wala naman siya nagawang masama. Sa isang tingin lamang, alam na ng tao na may kakaibang nangyayari. May ibang kinalkal pa ng istorya ng pamilya nila. Nalaman nila na siya ang tunay na anak ng Tang Group, at inakusahan siya na ginamit niya ang kapangyarihan ng mga Tang para ipagtanggol ang sarili niya at siraan ang ate niya. Ang mga pananaw na ito ay ang sanhi ng malaking usapan sa mga netizen. Sa kasalukuyan, ang bilang ng mga taong kumakampi kay