Kabanata 958 Suyuin Nang Mabuti

Nilingon ni Nell ang driver na nakasunod kay Lizzy saka siya nagtanong, “May nangyari ba?” Kinamot ng driver ang kanyang ulo, tila ba nakokonsensya. “Wala naman. Pero, pagkapasok namin kanina, nakasalubong namin si Madam Leith.” Napasimangot si Nell. Jean Leith? Tinignan ng driver si Nell at agad siyang nagpaliwanag. “May sinabi ang Madam kay Young Lady Lizzy.” Namutla si Nell at naisip niya ang sinabi ni Lizzy. Paano namang hindi niya malalaman kung ano ang sinabi ni Jean sa bata? Marahan siyang nagsalita, “Sige, pwede ka nang umalis.” Pagkaalis ng driver, pumunta si Nell sa kwarto ni Lizzy. Sa loob ng kwarto, nakaupo si Lizzy sa kanyang kama at nagtatampo pa rin ito. Nang makita niyang pumasok si Nell, hindi niya ito pinansin at tumalikod pa siya. Tinignan ni Nell ang bata at ngumiti siya. “Tsk, anong nangyari sa Lizzy namin? Sino ang gumalit sa kanya?” Muling ngumiti si Nell at umupo siya sa tabi, sumunod, hinawakan niya ang balikat ni Lizzy at pinaharap niya ito sa kan