Kabanata 1445

“Patayin ninyo sila!” Nang maibigay ng Insect Ruler ang kaniyang utos, agad na umabante ang mga Insect Ruler na kanyiang naging mga tauhan. Kasama ng kasalukuyang Insect Ruler, apat na ang mga ekspertong nasa Martial Saint level ang kasalukuyang humaharap kina Tandang Ophis at Tandang Hagstorm. Crackle... Habang nasa gitna sila ng laban, dumating na rin sa wakas ang ikatlong pagsubok. “Hindi—" Nang makita niya iyon, ginawa ng Insect Ruler ang lahat para mapigilan si Andrius. “Insect Three-fold Formation!” Sa pamamagitan ng malakas niyang sigaw, agad na inayos ng mga tauhan niyang nasa Martial Saint level ang kanilang formation para maging kinatawan ng langit, lupa at tao na nagkulong kina Tandang Ophis at Tandang Hagstorm sa loob nito. “Dapat kang mamatay sa araw na ito, Andrius!” Sugod ng kasalukuyang Insect Ruler kay Andrius pagkatapos nitong makawala sa dalawang matanda. Buzz... Sa pamamagitan ng isang pagkaway, libolibong mga insekto ang nagpakita. “Myriad Insects Soul