Kabanata 1285

“Hindi, hindi, hindi!” Agad na itinanggi ni Aura ang lahat. Sa sobrang taranta niya ay tumulo ang mga luha sa mukha niya. “Paano mo naman ako papaghinalaan, Joshua? Ako talaga ay…” Kabado niyang kinagat ang labi niya. Pula na ang mukha niya sa pag iyak, at mas nagmukha siyang nakakaawa dahil dito. “Natatakot lang ako na hindi na makikita ng mga bata si Luna ng huling beses…” Yumuko siya at nagpatuloy siya sa umiiyak na boses, “Kung alam ko lang na may isang kotse lang na natira—ang isa na may putol na kable, hindi ko na sana sila pinapunta dito!” Lumingon siya at tumingin siya ng malungkot kila Nigel at Nellie, sinabi niya, “Kasalanan ni Aunty Aura ang lahat. Pwede niyo ba akong patawarin?” Sumingkit ang mga mata ni Nigel at lumingon siya para tumingin kay Joshua. Alam niya na walang intensyon si Joshua na parusahan si Aura dahil dito. Kahit na hindi siya natuwa dahil dito, alam niya pa rin na may mga rason kung bakit pinili itong gawin ng matatanda. Kaya naman, pinigilan niy