Kabanata 126

“Anong kalokohan naman ang pinagsasabi mo riyan?” Galit na itinanong ni Lillie. Hindi sila basta bastang mga babae na mapupulot lang ng kahit na sino sa kalye dahil mga junior general ang mga ito na nagbigay ng malaking kontribusyon sa kanilang mga bansa noong nakaraang digmaan. Siguradong magiging mga bodyguard sila ng ibang mga personalidad kung hindi lang sila personal na pinuntahan ni Warren. At higit sa lahat, ang pinakamaganda sa anim na si Wendy na tumayo ring lider ng grupo ay ang apo ni Horace Newman na isa sa apat na mga bayani ng digmaan. Nang malaman ni Wendy ang kagustuhan ng kaniyang lolo na ipakasal siya sa isang binate, naintriga siya kung sino ang binatang iyon. Sa kasamaang palad, tinanggihan ng binata ang alok ng kaniyang lolo na pakasalan siya kahit na hindi pa sila nagkikita! Hindi pa natatanggap ni Wendy ang nangyari kaya hindi siya mapakali sa sandaling mapaguusapan ang tungkol sa bagay na iyon. Nang marinig niya kay Warren na nangangailangan ang binatang iyon