Kabanata 133

“Ano ang ginagawa mo, Megan?” Hindi na nakapagpigil pa si Diane sa kaniyang sarili. “Bibilhan ni Severin si papa ng sasakyan para makapasok ito nang kumportable sa trabaho. Humahanga ako sa kaniya dahil dito. Pero bakit kailangan ka rin niya bilhan ng sasakyan? Kaya mo bang pagasolinahan ang sasakyan mo sa sandaling bilhan ka ni Severin ng kotse?” “Hmph! Sino ang nagsabi na hindi ko kayang mapagasolinahan ang sasakyan ko? Kayang kaya ko itong gawin hangga’t mayroon akong sasakyan!” Nanlalamig na singhal ni Megan bago siya magpatuloy sa pagmamakaawa kay Severin. “Sige na, bibili ka na rin naman. Isabay mo na itong akin!” Nakangiti namang sumagot si Severin ng, “Okay lang naman sa akin. Magiging bayaw mo rin naman ako. Sapat na ang perang hawak ko para mabuhay ng sampung beses sa mundong ito kaya hindi mahirap para sa akin na bilhan ka ng sasakyan!” “Talaga?” Natuwa nang husto si Megan nang marinig niya iyon. Pero naiisip pa rin nito na niloloko lang siya ni Severin. Kung kasing yama