Kabanata 1043

Sa kabilang banda naman, si Titus, ay nanukso, “Haha! Alam mo naman. Mas matimbang ang dugo!” Subalit, muling nagsalubong ang kilay ni Titus. “Master Woods, masyado naman kayong nagtiwala kaagad kay Fane, hindi ba? Paano kung ang gamot na ibinigay niya sa inyo ay nakakalason? Paano niyo hindi muna sinuri ang gamot, at ininom niyo na lang ito kaagad!” Tanong ni Titus ng may pag-aalala. “Bukod doon, hiniling ni Young Master Fane na magkaroon ng isang kompetisyon, at pumayag ka naman kaagad ng hindi nagdadalawang isip! Paano pala kung ang kakayahan ni Young Master Fane sa pakikipaglaban ay hindi sapat para siya ang tanghaling kampyon sa paligsahan na iyon? At ang posisyon mo bilang pinuno ng pamilya ay mapunta sa ibang kamay?”Pinagpatuloy ni Titus na sabihin ang kanyang pangamba. Hindi kaagad sumagot si Nash at sa halip ay tinawanan lang nito ng malakas ang mga pangamba ni Titus. “Malaki ang utang ko kay Fane. At naniniwala ako na hindi niya ako sasaktan. Kahit na nakakalason ang