Kabanata 1271

Nagsimulang bumilis ang tibok ng puso ni Madeline pagkatapos niyang marinig ang mga sinabi ni Ryan. Ang dalawang taong nasa isip niya ay ang mga magulang niya. “Magbihis ka. Hihintayin kita sa baba.” Seryoso si Ryan at tila hindi siya nakikipag lokohan sa kanya. Pagkalabas ni Ryan sa silid, agad na sinara ni Madeline ang pinto at nagpalit siya ng damit bago siya bumaba. Pagkatapos siyang dalhin ni Ryan sa lugar na ‘to, hindi pa siya lumabas ng kwarto ni minsan. Ngayon lang niya napansin na elegante ang itsura ng bahay. ‘Sabi nila isa ‘tong holiday villa. Pero sa mundong ‘to, gaano karaming villa ba ang ganito kamahal at ganito kaganda ang itsura?’ Ang pinaka pinagtataka ni Madeline ay mula noong sumulpot si Naomi noong araw na yun, hindi na niya siya nakita ulit. Syempre, hindi siya mag-uusisa at magtatanong kay Ryan tungkol sa kanya. Nagpalit din ng damit si Ryan. Nagsuot siya ng isang suit na may necktie, dahilan para magmukha siyang elegante. Sinundan siya ni Madeline papu