Kabanata 1283

Nagtataka si Madeline kung dahil ba sobra na siyang nangungulila kay Jeremy ay nagsisimula na siyang magkaroon ng guni-guni, pero ang anino na nasa kanyang harapan ay lalo naging malinaw sa kanyang mga mata. Inabot niya ang kanyang kamay para hawakan ang papalapit na lalake, pero nung itinaas niya ang kanyang kamay, nabatak ang sugat sa kanyang balikat. “Mmph.” Napaungol siya sa sakit. Lumapit si Jeremy sa kanya at umupo sa tabi nito at hinila siya sa kanyang mga bisig. “Linnie.” Nang maramdaman niya ang init na nagmumula sa katawan nito, uminit ang gilid ng mga mata ni Madeline. Inangat niya ang kanyang hapong mukha, na bakas ang paghihinagpis mula rito. “Masakit pa rin ba? Pinapahirapan ka pa rin ba ng lason? Meron ka pang anim na dosis. Ipangako mo sa akin na tuturukan mo ang sarili mo sa tamang oras.” Pinaalalahanan niya ito, puno ang kanyang mga mata ng pag-aalala para sa lalakeng ito. Hinawakan ni Jeremy ang kamay ni Madeline. “Huwag mo na akong alalahanin. Ayos lan