Kabanata 1361

Nang makita niya ang eksenang ito ay napahinto si Madeline. Lumitaw na naman sa kanyang mga mata ang pagbaril kay Ryan at ang pagtumba niya sa kanyang harapan. Ang init ng dugong tumalsik sa kanyang mukha ay para bang nakakapaso sa kanyang pisngi. Naramdaman ni Jeremy ang biglaang pagbaba ng temperatura sa kamay na nasa kanyang palad. Naging napakalamig nito. "Linnie, ayos ka lang ba?" Nag-aalalang tanong ni Jeremy. Nahimasmasan si Madeline pagkatapos niyang marinig ang kanyang boses. Marahan siyang umiling. "Ayos lang ako. Bigla ko lang naaalala ang gabing yun. Sabi niya ay kailangan niya kong dalhin sa malayo, pero gusto ko lang bumalik sa'yo tapos––" “Eveline Montgomery!” Bago makatapos si Madeline, biglang sumugod si Mrs. Jones sa kanya nang may namumulang mga mata at sinubukang kaladkarin si Madeline. Hinila ni Jeremy si Madeline sa kanyang yakap para protektahan siya. Mayroong matalim na kinang sa kanyang mga mata. Hindi nahablot ni Mrs. Jones si Madeline at naga