Kabanata 1418

Unti-unting lumabo ang paningin ni Madeline habang nakatingin siya sa payapang ekspresyon sa mukha ni Jeremy. “Alam mo ba kung bakit nagbago ang kulay ng buhok ko at ng mga mata ko?” Nakangiting nagtanong si Jeremy. “May kinalaman nga dito ang lason na binigay sakin ni Lana, pero may iba pang dahilan.” Habang nagsasalita siya, biglang nagsalubong ang kanyang mga kilay. “Mas malaki ang kinalaman ng iba’t ibang klaseng gamot na sinubukan ko para lang mapahaba ang buhay ko. Yung babae na yun kanina ang doktor na gumawa ng gamot na pumipigil sa pagkalat ng lason sa dugo ko. Anim na buwan akong nagdusa habang sinusubukan kong mabuhay. “Sinabi niya sakin na walang paraan para tuluyang alisin ang lason sa katawan ko at dalawang taon na lang ang itatagal ko. Yun ang dahilan kung bakit naguguluhan ako noong binalikan ko kayo ng mga bata.” Ang malungkot na sinabi ni Jeremy. “Gusto kong makasama ka at mahalin ka ng buong-buo, kaso natatakot ako na ipakita ang nararamdaman ko. Ayaw kong iwan