Kabanata 1423

Tumakbo si Madeline palabas ng banyo at nakita niya si Jeremy na nakahandusay sa sahig sa tabi ng kama. “Jeremy!” Natataranta siyang tumakbo palapit kay Jeremy at lumuhod siya sa tabi niya. Nakakunot ang noo ni Jeremy habang tinitiis niya ang matinding sakit. Nataranta si Madeline at bumilis ang tibok ng kanyang puso. “Anong nangyari, Jeremy? Inaatake ka nanaman ba ng lason?” Hinila ni Madeline si Jeremy sa balikat niya para makasandal siya sa kanyang dibdib. Gusto sana niyang bitbitin si Jeremy at ihiga sa kama kung kaya niya ngunit hindi sapat ang lakas niya. “Anong nangyari? Sabi ni Adam na magiging mas mahaba na ang pagitan ng mga pagsumpong ng lason sa katawan mo. Bakit nangyayari ‘to ngayon?” Kinakabahan si Madeline at nagsimulang tumulo ang mga luha niya papunta sa mukha ni Jeremy. “Huwag kang mag-alala, Linnie.” Pinilit magsalita ni Jeremy at hinawakan niya ang pisngi ni Madeline sa kabila ng sakit na nararamdaman niya. “Sanay na ako sa sakit. Hindi naman ‘to magtataga