Kabanata 576

'Ano?' Nagsimulang bumilis ang tibok ng puso ni Yvonne noong marinig niya iyon. Nanlaki ang kanyang mga mata. Pagkatapos, tumingin siya ng masama kay Madeline. 'Paano nangyari yun? 'Naglagay siya ng camera sa kwarto? Ibig sabihin ba nun alam niya yung ginawa ko? 'Kung alam niya, bakit hindi niya ako binisto? 'Siguradong peke yun! Malamang pinapainan niya lang!' Sinusubukan ni Yvonne na pakalmahin ang kanyang sarili. "Ano? Isang camera? Paano mo nagawang maglagay ng camera sa kwarto ng old master? Madeline, ganito ka ba talaga kalaswa?" Sinamantala ni Karen ang pagkakataon na 'to para insultuhin si Madeline. Subalit, hindi nagpatinag si Madeline. "Hindi makapagsalita o makakilos si Lolo. Nilagay ko 'to para mabantayan ko ang kalagayan ni Lolo. Huwag mong ipasa sakin yung marumi at malaswang pag-iisip mo." "S-sinasabi mo bang marumi at malaswa ako? Ikaw…" Namula ang mukha ni Karen. Gusto sana niyang sumagot nang mapansin niya ang nanlilisik na mga mata ni Madeline. Sam