Kabanata 212

Nang makita niya ang pagod na si Tang Ruochu, nag aalalang lumapit si Lu Shijin at umupo sa tabi niya. Hinimas niya ang mahabang buhok ni Tang Ruochu gamit ang kanyang mga daliri, at tinanong niya, “Anong nangyari?” Mababa at malalim ang boses ni Lu Shijin, na may mahika na tila naghihilom ng kapaguran ni Tang Ruochu. Naging kumportable at maginhawa siya dahil dito. Binuksan ni Tang Ruochu ang kanyang mga mata para tumingin sa kanya. Nakasuot si Lu Shijin ng pambahay na may mainit na kulay. Nagmukha siya gwapo at istrikto dahil dito. Inisip ni Tang Ruochu na ang tunay na gwapong lalaki ay gwapo pa rin kahit ano man ang suot niya. Ganitong tipo ng lalaki si Lu Shijin, mas nakakabighani ang kagwapuhan nya kaysa sa mga antigong kagandahan. Higit pa dito, kahit na mainit ang kulay ng damit niya, ang kakaibang lamig ng pag uugali niya ay kita pa rin. Nasilaw si Tang Ruochu sa itsura niya at hindi mapigilang kiligin. “Sobrang gwapo!” Ngumiti si Lu Shijin at malambing na sinabing, “Haha