Kabanata 425

Lumagpas sa dalawang oras ang hapunan nila. Sa oras na lumabas sila ng hotel, lumagpas na ng alas diyes ng gabi. Malamig ang hangin ngayong gabi. Umihip ang hangin, hindi napigilan ni Tang Ruochu na manginig. Malamig talaga ngayon. Biglang may mainit na coat na bumalot sa balikat niya. Narinig niya ang malalim at mapagmalasakit na boses ni Lu Shijin. “Suotin mo ‘to. Baka magkasakit ka.” Tumingala si Tang Ruochu at ngumiti siya kay Shijin at sinuot niya ang coat tulad ng sinabi sa kanya. “Sige, mas mainit na ang pakiramdam ko ngayon.” “CEO Lu, hindi ko alam na mapagmalasakit ka pala.” Narinig ni Tang Ruochu ang balabirong boses ni Ying Xiaoxiao. Lumingon si Tang Ruochu at may tumingin siya kay Ying Xiaoxiao. “Xiaoxiao, nilalamig ka rin ba? Ipapatanggal ko kaya kay Shengyao ang coat niya para suotin mo.” Napatigil sa pagngiti si Ying Xiaoxiao. Lintik, inaasar niya lang ng konti si CEO Lu, ngunit ginamit agad ni Chuchu si Lu Shengyao para balikan siya. Grabe ang babaeng ‘to! Nang