Kabanata 208

Halatang nainis si Sasha. Lumapit siya kay Joanna at nagsabi habang diniin ang bawat isang salita, “Mahilig ako sa bulaklak, at may nagpadala sa'kin ng bulaklak. Hindi ba sapat na yun? “Bakit kailangan galing sa lalaki? Mas mabango ba ang mga bulaklak galing sa lalaki? O mas mahalaga ba yun?” Hindi naintindihan ni Sasha ang pag-iisip ni Joanna. Nang hindi maitago ang tusong ngiti niya, sumagot si Joanna, “Dahil kapag binigyan ka ng bulaklak ng isang lalaki, ibig sabihin nito ay mahal ka niya.” Walang nasabi si Sasha. Muntik na siyang umirap, pero pinigilan niya ang sarili niya. Sa halip, pinilit niyang ngumiti at nagsabi nang may kalmadong tono, “Pinadala rin to sa'kin ng kaibigan ko dahil mahal niya ako. Kung hindi, bakit siya gagastos ng pera?” Pagkatapos nito, niyakap ni Sasha ang bouquet niya at bumalik sa mesa niya. … Sa oras ng tanghalian, nang nililinis ko pa lang ang mesa ko, pumasok si Sasha sa opisina ko. Palihim siyang sumilip kay Zane para kumpirmahing aligaga