Kabanata 313

Suminghal ako. “Wala itong kinalaman sa kasarian, Steven. Matagal ko nang prinsipyo sa buhay na kumapit sa tamang tao kapag natagpuan ko siya.” Malambing na tumingin si Zane sa'kin habang tahimik na nagsabi si Steven, “Hindi ka ganito noon.” Hindi ko ito itinanggi. “Masunurin at mabait ako noon, pero ano bang nangyari sa'kin?” Nang marinig iyon, nanahimik si Steven. Pagkatapos, kalmado akong nagpatuloy, “Kung hindi ko makukuha ang gusto kong resulta sa pagiging mabait, syempre kailangan kong magbago.” Rito, sa wakas ay nakahanap na ng isasagot si Steven. “Pero Annalise, inisip mo ba muna ang anak natin bago ang lahat ng ito? Matatanggap ba niya ang bagong tatay-tatayan na'to?” Malamig akong sumagot, “Inisip mo ba ang anak natin nang nagloko ka, pinakilala siya sa kabit mo, at sinabihan siyang tawaging ‘Mom?’ Hindi ako makapaniwalang may kapal ka ng mukhang pangaralan ako rito.” Nandidiri kong dagdag, “At para bang nakalimutan mong pinakawalan ko kayo pati ang bata, kaya wag mo si